كشكولي

صوتك يداوي علة القلب والروح
أرجوك لا تقطع دوى الروح عني
أموت أنا بصوتن جمع جد ومزوح
لامن سمعته قمت أرحب وأغني
فديت من خلا حياتي لها روح
فديت من حبه غزاني وفتني

***

لاكتبت اسمك تزين لي الحروف
ولانطقته صارفي لساني حلا
صدق انا احبك ولكن فيني خوف
خوف نتفارق بعد ذاك الغلا
ولاتقابلنا يسكن الكسوف
ضاعت الكلمات مني يا لغلا

كانت الكلمات في لساني ألوف

ويوم شفتك ما ذكرت إلا..هـلا

اعذرني لو غلط قلبي عليك وقال احبك
واعذرني اذا قسى قلبي عليك وردد اسمك
واغفر لي زلة عيون تمنت انها بلحظه تشوفك

حبيبي وين أضمه ؟
لو ضميته بعيني يغار قلبي منها .. يقول هو نبضي وأنا أولى منها
لو ضميته بقلبي .. عيوني شنو يرضيها ؟
تقول أضيع دربي اذا هو مو فيها
عيني .. قلبي .. روحي
حيرتوني !! تدرون .. بدمي راح اضمه وأخلص من الغيره

***

اكيد احبه اكيد اموت في حبه
اكيد انا بفقده لاغاب عن عيني
غلاه مدري كذا يجيك من ربه
من يوم شفته وحبه ساكن فيني

ودّي ألمس كل جرح ٍ يتعبك
ودّي أداويه بيدي وألمّك وأجمعك
ودّي أضمك لصدري أتنفس هواك
والعمر وياك يا ليته يطول
وما دخل قلبي من العالم سواك
وحدك الغالي وبقلبي تجول
يا ربيع عمري ويا كل الفصول
اطلب عيوني وانا كلّي فداك