يا عمري الدنيا ما تسوى تنام وخاطرك زعلان
ولابه شي يستاهل يخلي قلبك يعاني
طلبتك كان لي خاطر تبعد عنك الأحزان
فديت عيونك الحلوه تبسم لو على شاني
حبيبي صار لي مدة أشوفك تايه وحيران
وانا والله لا شفتك حزين تزود أحزاني
أنا احبك ولا ودي تعيش بدنيتك ندمان
ترى الأيام محسوبة وتالي هالعمر فاني
تصدق بسمتك والله تفرح خاطري الولهان
يطير من الفرح قلبي واصير بعالم ثاني
ولى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الجاني
غلاك بداخل عروقي ولا يوصل غلاك انسان
يمر الوقت ويثبت لك غلاك ان الله أحياني
أضحي بعمري لعيونك تنام انته وانا سهران
ونادي جروحك لقلبي تجي واحد ورى الثاني
***************
كيف أناديك بكلمة "عمري" والعمر فاني...إنت غيرالناس عندي ولك غلا ثاني !!ء
يا ترى لو قلت أحبك وش يصير ؟؟ خايف الكلمة صغيره وإنت تستاهل كثير
يسألوني وش يبقالي لو فقدتك ؟! قلت أبسألكم : هو بعدالروح يبقى بقايا!؟
الدنيا علمتني من تحبه لا تبين له غلاه !! إلا إنت ما قويت أخفي عليك الغلا !!ء
إن كان المعزة تبني بقلوبنا دار ..!! أعرف ترى لك داخل القلب ديره
19 comments:
جميل ان نشعر بقلوب من نحب ونتقاسم معهم التفاصيل...
أتعلمين ياجوى..حينما اشعر ان من أحب يحمل ضيقاً في قلبه...تصغر الدنيا بعيني
واشعر باختناق في صدري...وأود لو أزيل كل آلامه وأحملها بدلا عنه
لاأحب ان اسمع في صوته نبرة الحزن.التي يرتجف منها قلبي خوفاً عليه
شعورك بمن حولك نعمه تدل على انك صاحبة قلب كبير ينبض حباً وطيباً
تصدق بسمتك والله تفرح خاطري الولهان
يطير من الفرح قلبي واصير بعالم ثاني
الله ياجوى على هذا البيت..
للابتسامه سحر جميل يسلب الألباب
فكيف بابتسامه الاحبه؟
غلاك بداخل عروقي ولا يوصل غلاك انسان
يمر الوقت ويثبت لك غلاك ان الله أحياني
الحب ياجوى يصل الى مرحله نعجز ان نترجمه بحروفه..نقف أمام فيضانه مستسلمين للغرق
وكل ماجيت أنتهي شفتك بدايه.....!
إن كتبتك حرف شفتك ألف بيت
____________________
أحبـك كثـر ماللفرح بسمـة .. وكثر ماللهموم أحـزان
أحبـك كثر ما تكسـر الدمعـة شموخ إنسان
_________________________________
ما طاب لي جرح ولا خاطري طـاب متـى يدينـي تحضنــها يــدينــك
لو ان قصدي بالزمن كثر الأصحاب ما قلت يا ساكن (الروح) وينك ؟؟
;)
______________________________-
وش ذنبي كل ماقد ضاع قلبي،،
والتفت وقلت وين ؟ يصير عندك!!!
جوى ...اتمنى ان اعرفك عن قرب
تحياتي لقلبك
عساه يستاهل هذا الحب العظيم، وهذه النفس الشفافة
كلماتك للقلب مباشرة
حفظك الله وصان قلبك الرقيق
التسامح
والعفو عند المقدره
من شيم المسلمين
التسامح
عن من اساء واخطأ
بالنسبة لي
,,
سأسامح
واعفو
عن كل من اخطأ بحقي
وكل يوم ابدأ بنيه جديده
سليمه لكل من عرفت
فلا تدري نفس متى تموت
ولا تخلد الارض الا لله وحده
تفكر
وانظر لصغر عقولنا
وتفاهه أمور نختلف عليها وصغرها عند عظمة الله وحده
الغاليه\ جوى
حضور مميز اشعل المنتدى بأسره
وأسر قلوبنا بحضوركِ
دمتي نقيه متسامحه
وعلى فكره مدونتج راقيه جدا ويشرفني اني اشاركج العفويه الي تتمتعين فيها
جوى
كالعادة
جبتيها عالجرح
مافي احد يفرح اذا شاف اللي يحبه زعلان
اكثر شي يضايقني لما ما اقدر ازيل او اخفف الحزن عنه
لما ما اقدر اغير المود و اطلعه من جو الحزن
لما اتكدر و اتضايق عشان هو متضايق و ما بيدي شي اسويه
كيف أناديك بكلمة "عمري" والعمر فاني...إنت غيرالناس عندي ولك غلا ثاني !!ء
يا ترى لو قلت أحبك وش يصير ؟؟ خايف الكلمة صغيره وإنت تستاهل كثير
يسألوني وش يبقالي لو فقدتك ؟! قلت أبسألكم : هو بعدالروح يبقى بقايا!؟
الدنيا علمتني من تحبه لا تبين له غلاه !! إلا إنت ما قويت أخفي عليك الغلا !!ء
إن كان المعزة تبني بقلوبنا دار ..!! أعرف ترى لك داخل القلب ديره
عقب هالحجي الواحد شيقول
اااااااااااه
تنهيده
مشاعر راقية معبرة جدا
يا بخت صديقتك بهالمشاعر
الله يخليها لك ويخليك لها
كيف أناديك بكلمة "عمري" والعمر فاني...إنت غيرالناس عندي ولك غلا ثاني
الله الله الله قمة الروعه
ولى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الجاني
كل هذا ولستي بشاعره
صدّقت كل مافي مدونتك الا انك لست بشاعره
إن كان المعزة تبني بقلوبنا دار ..!! أعرف ترى لك داخل القلب ديره
اهديها لك اصدقائى اصدقاء عمرى
الله لا يحرمنى منكم
البوست جوى عجيييب
والله لا يحرمج من صداقاتج
ويديمها عبر السنين
والله الصديق نادر
والى عنده صديق لا يفرط فيه
والله الصديق يستاهل من يطيب خاطره
الصديق يستاهل من يعنى له اذا زعل
اتعب عشان صديقاتى
يستاهلون كل خير
:)
الصداقة يا جوى من اهم العلاقات في حياتنا فالصديق العزيز يستاهل اضحي واسهر عشانة وبالنسبة لي الصداقة هي العلاج النفسي لكل مشاكلناوالله يهنيج بصداقاتج وانشاءالله يستاهلون هذه
المشاعر الرقيقة والراقية
(عن الامام علي بمودة الصديق)
ما ودني أحد إلا بذلت له-صفو المودة مني آخرالأبد
ولا قلاني وإن كان المسىء بنا-إلا دعوت له الرحمن بالرشد
ولا ائتمنت على سر فبحت به-ولامددت الى غير الجميل يدي
ولا اقول نعم يوما فأتبعه-بلا ولو ذهبت بالمال والولد
سالفة قلب
يااا صاحبة القلب الحنون
ان ما تشعرين به من حزن لضيقة احبابك لهو دليل على مشاعر صادقة وحب كبير تحملينه بقلبك الصغير بحجمه .. والكبير بأحساسه
طبعا يا حبيبتي ابتسامة الأحبه شي غير
سبحان من صور حبيبي على الكيــف
واختار له صورة تليق بمقامـــــــه
صحيح لو قالوا عجيب التواصيــف
في مشيته في ضحكته في كلامــــه
إذا هرج لك ما تمل الســواليــــف
وليا إبتسم يازين ذيك الإبتسامـــه
الحب يا سالفة انقلاب روحي من عالم - الانا - الى عالم المحبوب والذوبان من اجله
*أحبك*
لا تحسب كلمتي زلة لسان
الغلا ما يحتمل شك ويقين
اللسان بساعة الشدة حصان
والخجل ما يبعده مسح الجبين
معك ينساب الحكي حب وحنان
وكل شدة باس قدامك تلين
مابقى للصمت في صدري مكان
إيه *أحبك* قلتها والله يعين
يسعدني جداً ويشرفني تقارب القلوب بيننا .. واتمنى جداً ان اعرفك عن قرب يااا صاحبة القلب الحنون
:)
white wings
ياااا ملاكي ... نعم حبيبتي يستاهل
لو أتكلم عنك مافي قلبي بأوراقي تشتكي كلمات الحب وأوراقي تمل منها
الله لا يحرمكم من حبايبكم
شاكرة تحليقك فوق مدونتي .. والله لا يحرمني من اطلالتكِ
:)
بوصلة أخلاقية
شاكرة مرورك وكلماتك الجميلة .. أسعدني أعجابك بمدونتي ولي الشرف في حضورك ومشاركتك
حياك الله
Purplecious
نعم يااا عزيزتي .. شعوورر قاااسي جداً عندما ترى احبابك في ضيقة ولا تستطيع عمل اي شيء
وقتي معك ما ينحسب بالدقيقه وقتي معاك بفرحة العمر محسوب
بسمعي لصوتك تنفرج كل ضيقه ؟ ولاشفت زولك ما بقى بعمري كروب
وصلك يبلل خافقن جف ريقه ؟ حرام لو هو معصيه ماأشبع ذنوب
سلاااامتج من ال اااااااااه
Mamloo7a Q8ia
يا بختي انا فيها .. مشكورة عزيزتي
الله يخلي احبابك
لا شفت زولك سافرت كل الأتعاب وان غبت عني خاطري ما يروقي
barrak
أستاذي
شكراً .. كلماتُك الجميلة شهادة أعتزُ بها
أسعدني مرورُك
charisma
عزيزتي كاريزما
أسم على مسمى .. فحضوركِ يضفي علية جو من الكاريزما .. شاكرة أهدائكِ .. وعسى ربي يحفظ أحبابك ولا يحرمك أياهم
فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه
الله يديم عليك صداقاتُكِ .. ولا يفرقكم من شر
:)
كادي
عزيزتي كادي
في مثل أجنبي يقول عن الصداقة
الصداقة كالمظلة
كلما إشتد المطر
كلما إزدادت الحاجة لها
فالصداقة من أجمل العلاقات الأنسانية .. بالنسبة لي لاااا أستطيع الأستغناء عنها أبداً
انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يا منبع الطيب قلبك والصفا في عيونك
الله يديم صداقاتك ولا يفرقكم من شر
أسعدني مرورك
مدونة كثير مميزة
بكتاباتك واختياراتك
وجود الاصدقاء قي حياتنا
حاجة مهمة
ووجود الصديق الوفي كثير مهم
في حياة كل واحد فينا
لي صاحب ما أمِل شوفته
هو دنيتي وهواغلى خلاَني
مالََه شبيه برقته
وبنظرته تزول كل احزاني
الوجد
اختيارات كثير راقية
وكشكول يتمنى الإنسان
الإستمتاع بقراءته
الوجد
عزيزتي الوجد
الصداقة لا توزن بميزان ولا تقدر بأثمان
فلابد منها لكل إنسان
لي صاحب ما أمِل شوفته
هو دنيتي وهواغلى خلاَني
ماله شبيه برقته
وبنظرته تزول كل احزاني
الله الله يا الوجد .. أبيات رائعه من قلب صادق .. سلم قلمُكِ
شاكرة لك مرورك .. وتوقيعك على كشكولي المتواضع
Post a Comment